«Махаббат, қызық мол жылдар» спектаклі көрерменге жол тартты
Жазушы Әзілхан Нұршайықовтың студенттер өмірі мен ғашықтар туралы шығармасы «Махаббат, қызық мол жылдар» Ғабит Мүсірепов атындағы қазақ мемлекеттік академиялық балалар мен жасөспірімдер театрында қойылды. Спектакль режиссеры — «Дарын» мемлекеттік жастар сыйлығының лауреаты Фархад Молдағали. Қойылымның композиторы — Ербол Нариманұлы, қоюшы-суретшісі — Айдана Бисембаева. Биін қойған хореограф — Шырын Мұстафина, ал хормейстер — Ғалымжан Берекешов.
Қойылымда Ербол ролінде Дархан Сүлейменов, ал Меңтай болып Гүлбаһрам Байбосынова ойнады. Спектакль сюжеті шығармадағы негізгі оқиғалармен үндес. Тек режиссер кейбір оқиғаны бүгінгі жағдаймен ұштастырған, өзінше ой-шешімін ұсынған. Режиссер бұл қойылымның алғашқы сахналық нұсқасын осыдан бес жыл бұрын жасапты. Қанша уақыт ойда пісіп жүріп, биыл көрерменге ұсынылып отыр. Ал жалпы шығармашылық топ спектакльге 4 ай дайындалған.
Фархад Молдағалидің айтуынша, үлкен шығарманы тұтас қойылымға айналдыру қиын болды. Дегенмен шығармашылық топ қойылымды автор Әзілхан Нұршайықовтың 100 жылдығына арнады.
Толық мәтін
https://baribar.kz/159365/mahabbat-qyzyq-mol-zhyldar-spektakli-koerermenge-zhol-tartty/
https://www.youtube.com/watch?v=Lsu5uDaN8BQ